大阪創作女歌手aiko自從同TOKIO成員國分太一拍拖之後，就多咗唔少八卦新聞。形象一向天真爛漫同坦率爽朗嘅佢，以往喺唱片或者DVD封面上走清純路線，但佢將快推出嘅演唱會DVD，竟然用咗一支同男性性器官十分相似嘅自慰器做封面照，真係俾佢嚇親！
我大口羅拉其實同好多日本迷一樣，除咗留意八卦新聞之外，亦好關心啲歌手有乜新唱片同DVD推出。
最近我走上啲日本音樂購物網站搵料嗰陣，發現aiko快將面世演唱會DVD《LoveLikeRock》，最初以為封面照上只係一支影得矇查查嘅咪，但睇真啲之後，發現支咪好似係一支陽具形狀嘅自慰器，而自慰器上面重寫上咗aiko個名㖭！
以前我羅拉都有儲開aiko嘅CD同DVD，通常封面都好cutie嘅，當中唔少更加係aiko親自畫嘅漫畫㖭。唔知aiko係想用自慰器嚟谷新碟？定係想話畀人知，佢當支嘢係男友國分太一嘅代替品呢？