陳奕迅（Eason）、Twins、Boy'Z、李克勤、蔡依林和朱茵等，前晚在香港演藝學院出席「IFPI香港唱片銷量大獎2003」。
朱茵前晚的衣着比較密實，全因有傳男友黃貫中（阿Paul）不滿她近日的打扮太性感所致，但朱茵卻說：「我每次出席場合嘅衫都有畀阿Paul睇，我好相信佢嘅眼光。阿Paul呢排忙做碟，梗係匿喺band房，我哋拍拖以嚟都未嗌過交，因為喺有意見之前，已經解決咗問題。」
李克勤和譚詠麟合作的唱片《左麟右李演唱會2003》取得「十大銷量廣東唱片」獎，克勤說：「喺八十年代要賣超過十五到二十萬張唱片先叫好賣，但𠵱家超過兩萬都好好，唱片公司嘅收入愈來愈少，真係好難做。」
採訪：胡比 攝影：仇志德