爭取民主無分國界。平時遊行，見到長毛梁國雄一啲唔奇，點知噚日連股壇長毛DavidWebb（圖）都同友人一齊出現。八方見到DavidWebb喺遮打行人專用區條天橋居高臨下視察情況，冇幾耐就喺人群中發現佢嘅蹤影。股壇長毛話，今次已經係佢第二次遊行，元旦嗰次佢都有參加。咁點解要嚟？佢話香港嘅經濟前景要視乎中央肯唔肯畀香港有民主，冇民主就冇自由，就冇自由競爭，咁香港就玩完，所以佢要同香港人一齊遊行，支持民主。
沿途有加州遊客好奇問啲遊行人士反乜嘢？啲人二話不說，拳打腳踢老懵董氣球，加州朋友，明白冇？
傳真︰2623-9278
電郵︰