陳冠希（Edison）前晚演出小型音樂會，DJ及舞蹈員在表演時，做粗口手勢及撫弄下體，由於今次音樂會無限制年齡進場，故難免有教壞小朋友之嫌，但Edison表示只是想帶出hiphop文化。
陳冠希前晚在九龍灣出席商台的「陳冠希香港地夠膽死音樂會」，Edison緋聞女友陳文媛、張栢芝胞弟張栢文、Cookies成員Kary、名模MaggieQ和何超儀等都有捧場。
舞蹈員不僅在跳霹靂舞時，一時興起做起舉中指、反V手勢及撫弄下體等動作，連DJTommy在捽碟時亦舉起中指示人，而播放的歌曲亦有粗口歌詞，實有教壞小朋友之嫌。主辦單位商台對外事務部就回應說：「呢次演唱會嘅門票係唔限年齡，但表演單位發生呢啲情況，事後會積極同各單位檢討呢件事。」
Edison則很滿意演唱會表現，他說：「我做音樂咁耐，最開心係呢一日，我希望可以帶出hiphop文化畀大家。」對於舞蹈員跳舞帶有不良意識，Edison說：「人哋嘢我唔知，我唔可以代人哋講唔好意思，或者呢啲係hiphop文化之間嘅訊號，佢哋有自己嘅表達方法。我希望小朋友會識得分邊啲係娛樂，邊啲係真實世界。」
Edison又表示尚未落實是否接拍電影《頭文字Ｄ》，但希望將來有機會演繹基佬和變態殺手。
Edison前晚邀請好友何韻詩、葉佩雯及男友EricKwok做嘉賓，由於葉佩雯身形暴肥，又穿上鬆身衫出場，故惹來大肚疑雲。
採訪：李珮洳 攝影：陳慧安
