教育界立法會議員張文光擔任教協會長多年，個位一直穩如泰山，今年教協改選，佢同家人外遊度假，冇留喺香港拉票，但噚日都以逾三萬二千票信任票連任，佔有效選票超過九成半。雖然張文光身在外地，但一早寫好當選感言，佢話感謝會員支持，投票結果反映教協仝人歷年嘅工作路向獲會員認同。
教協有近七萬五千名會員，今次有五成二人投票，教協指投票率稍高於兩年前嗰屆選舉，對於少數冇向佢投信任票嘅會員，張文光都好識做咁話非常重視呢啲反對聲音，會視為鞭策力量。張文光同新一屆理事會成員將於五月上任，任期兩年。
傳真︰2623-9278
電郵︰