羅范噚日向學界精英訓話，指呢班學生仔冇資格批評老董，另一高官亦唔執輸，教訓嗰班已經投身社會做事嘅青年人。財爺唐英年噚日出席電台節目，「責備」出嚟做事嘅後生仔冇社會抱負，淨係識埋怨老闆唔加人工，又唔諗吓對公司有冇貢獻，幫公司賺到幾多錢。財爺果然係商家出身，一出口就係老闆口脗。
唐唐呢番說話，睇怕都唔多啱時下嘅社會棟樑聽，好彩佢都點番首Beatles經典名曲《Inmylife》，相信啲後生仔都會受落。唐唐話佢係披頭四fans，而呢首歌嘅歌詞好有意思，佢解釋話人喺一生中有不同經歷，碰到唔同嘅環境，遇到唔同嘅人，但一生之中總有幾個人，令自己印象最深刻。
主持問財爺生命中有邊個最深刻，佢係都唔肯講，只係沉醉於歌詞之中，「ThereareplacesIremember.Allmylife,thoughsomehavechanged......WithloversandfriendsIstillcanrecall.Somearedeadandsomeareliving.InmylifeI'velovedthemall.」嘩，啲朋友、愛人又生又死，唔怪得財爺咁感動。
（圖）財爺以商家口脗，話年輕人只識得埋怨老闆唔加人工，又唔諗吓自己對公司有冇貢獻。
資料圖片
傳真︰2623-9278
電郵︰