「有咁遠走咁遠，帶走晒衰氣」
梅媽遠距離掟龜放生

梅艷芳母親梅覃美金日前曾發火大罵阿梅生前好友及徒弟，但昨日她收起怒火，在孫兒陪同下往薄扶林水塘放生，梅媽把水魚和龜離遠拋進水中，祈求帶走衰運，她放生時說：「有咁遠走咁遠，帶走晒啲衰氣。」

日前梅艷芳逝世百日忌，當日梅媽梅覃美金曾大鬧阿梅生前友好及徒兒，但昨日她的心情已平復下來。昨午三時許，她在孫兒陪同下到薄扶林水塘，將約三十隻龜和水魚放生，並在殼上用紅油寫上祝福語。
梅媽見有記者到場採訪，即對記者笑說：「咁好呀，你哋陪我一齊行山呀？」由於水塘一帶布滿亂石，其孫兒曾着梅媽不要走到水塘邊，不過她堅持說：「唔得，我一定要落嚟！」

「識字唔會被恰」
梅媽坐在距離水塘約三米的碎石上，將一隻一隻龜和水魚拋落水，她還念念有詞說：「行落去啦，有咁遠走咁遠，帶走晒啲衰氣。」其後有一對行山情侶經過，看見梅媽後即謂：「呢度係水塘，執番啲垃圾先走啦！」
梅媽返回跑馬地寓所，問她龜背上的祝福語是否她親自寫上？梅媽說：「細個時老竇冇錢畀我讀書，啲孫寫嘅，識字就唔會俾人恰啦！」至於有指梅艷芳的骨灰會安放在寶蓮寺，梅媽只說：「到時我放喺邊你哋咪知囉！」

何韻詩勸咪勞氣
此外，何韻詩昨日與前緋聞男友劉浩龍到赤柱出席宣傳活動，阿詩對梅媽近日表示因家中貓隻及古董不翼而飛而大發雷霆，阿詩說：「隻貓喺杜貞貞度，但財物我就唔知，梅媽唔使擔心。梅媽屋企亦唔係大家自出自入，好多嘢當中可能有很多誤會，希望梅媽唔好咁勞氣，尤其骨灰龕件事，佢話我哋唔緊要，但對人哋唔係幾好。」
採訪：李珮洳、卓寶花　攝影：何國豪