周汶錡胞妹周麗淇昨日往銅鑼灣出席一護膚品活動時，被問到胞姊與拍拖多年的杜德偉（Alex）分手一事說：「呢啲係佢哋兩個人嘅事，等佢哋自己答番啦，我雖然同家姐住埋一間屋，但大家工作都忙，放工時間又唔同，都好少機會見到面，平時都唔會傾到感情呢個話題嘅，不過我好耐冇見Alex就真嘅，佢喺台灣拍劇吖嘛。」
問她胞姊心情有沒有因分手而受影響？周麗淇說：「冇呀，家姐心情幾好呀，至於佢有冇人追？家姐咁靚又未嫁，實有人追啦。」問周麗淇會否考慮做和事老幫兩人箍煲？她說：「點箍呀？係佢哋兩個人嘅問題嚟㗎嘛。」
問周麗淇是否因早前杜德偉藏毒一事而影響感情？她說：「唔知呀，不如轉話題啦。」
此外，對於兒子杜德偉與周汶錡分手，張露昨在電話中表示不知情：「佢冇同我講，我亦都冇問。早幾日我因為三叉神經痛入院，醫生叫我唔好再咁操勞，可能Alex唔想我擔心，所以乜都冇講我知啦！」
採訪、攝影：顏英儀