八方噚日話「師奶殺手」梁家傑去日本度假，因為太嬲人大釋法，所以就算知人大常委副秘書長喬曉陽嚟香港為人大釋法解畫，都冇好似吳靄儀咁，情願縮短假期，都要返香港質問喬曉陽為乜釋法。但奇就奇在，原來佢班大狀老友冇人知佢走咗去日本睇櫻花，咁邊個咁神通廣大知佢喺日本呢？
後來梁大狀同八方講，唔係佢班老友咁巴閉，佢飛去邊都搵到佢，而係咁啱得咁橋，另一位大狀公會前主席李志喜，咁啱同佢住埋同一間酒店，梁大狀自不然被揭發行蹤。不過正如佢老哥咁講，法都釋咗，𠵱家講到天花龍鳳都冇用，谷鬼氣唔返香港做喬曉陽布景板都啱。
傳真︰2623-9278
電郵︰