陳慧琳牙尖嘴利做Madam

陳慧琳昨日在銅鑼灣時代廣場出席「英語工場FunFunShow」活動，吸引過百巿民圍觀。

又惡又寸好難做
陳慧琳在台上以英文和巿民玩遊戲，最後又以英文祝福香港經濟好轉、人人有工做、身體健康以及人人都識講流利英文。陳慧琳又透露她將會配合一個樓盤廣告而唱英文歌。
陳慧琳現時正忙於拍攝杜琪峰執導的《大事件》，她說：「我拍完呢套戲，就會即刻剪髮、染髮同掹眉，拍呢套戲做Madam，要粗聲粗氣、成個男人咁又惡又寸，都幾難做，平時我會打電話畀男友練習，我𠵱家牙尖嘴利咗好多。我已經好耐冇扮靚，所以今日特登着裙出嚟，𠵱家都傾緊拍新戲，我希望可以做一啲嬌滴滴嘅角色。」
至於杜琪峰近日和吳君如因為金像獎公布頭三名分數一事而爭持，陳慧琳稱近日在片場沒有碰到杜琪峰，亦沒對事件作評論。