71歲的陳伯，兩個多月前中風引致半身癱瘓，喪失自理能力，現時起居生活靠妻子照顧。「𠵱家陳伯落唔到床，大小二便更加搞唔掂，我惟有睇住佢，希望佢遲啲有好轉。」陳伯妻子阿采說。
陳伯年輕時在製衣廠工作，十多年前患上糖尿病及高血壓，加上年事漸高，被迫提早退休，靠綜援金生活。無依無靠的陳伯，早年在內地結識同樣無親無故的阿采，兩人交往數年，於去年結為夫妻；可惜陳伯於今年1月中風，慶幸保住性命，但康復之路漫長。
阿采幽幽地說︰「聽街坊講，煲呢樣食嗰樣會對陳伯嘅病有幫助，最弊𠵱家我哋連開飯都成問題！」
自從陳伯中風後，阿采一直持雙程證留港照顧丈夫，兩人生活拮据，加上因陳伯早前曾入院留醫兩個月，社會福利署按綜援條例，扣減了陳伯的部份綜援生活費，令夫婦經濟更雪上加霜，目前欠下1個月租金。「我老公唔郁得，但好清醒，佢重成日流眼淚，同我一樣咁擔心以後嘅日子。」阿采紅着淚眼說。
蘋果日報慈善基金有見陳伯夫婦的苦況，撥款5,000元助他們清還欠租及應付短暫生活。
捐款編號：C1342
暖流熱線
電話：29908688
傳真：23702192
電郵：
網址：