民主黨深水埗區議員王德全喺商台打工十八年，上個月尾突然被台長梁文道「道長」炒魷，箇中原因相信唔容易搵出真相，商台一班員工前晚就為德哥搞歡送會，據講出席者眾筵開三席，場面都算熱鬧。
德哥黯然離開商台，當晚卻有意外收穫，大家打麻雀耍樂耍樂時，唔知專登定無意，猛咁鬆章畀德哥，令佢發咗一筆少少橫財，總算皆大歡喜。
商台中人又話，自從德哥走後，突然多咗人着黑色衫返工，好似有心向高層表態咁。
不過好蹺喎，「道長」平日最鍾意着黑色衫返工，結果同大家撞衫，示威效果就大打折扣嘞。
（圖）王德全（中）失意工作，但橫財運不俗，總算有啲安慰。
資料圖片
傳真︰2623-9278
電郵︰