愛唔愛國前排炒得火熱，「反叛主教」陳日君雖然對外冇發表過乜嘢言論，但係佢同教會裏面某啲神職人員就喺教區刊物《公教報》入面為內地教會開晒火。
事緣早前正義和平委員會出咗份中國宗教實況報告，重用「籠中的鳥兒」做題，講內地教會嘅苦況；引嚟經常返大陸工作嘅徐錦堯神父批評，覺得正委嘅報告偏頗，冇提及𠵱家內地教會已經自由咗好多。
曾受共產黨迫害嘅陳主教即時反擊，力陳內地教會嘅慘況，重勸徐神父「回頭是岸」。佢哋兩個睇法唔同，時有筆戰，但用到咁重語氣就好少，嚇親唔少教友，今期《公教報》罕有地刊登咗近兩大版嘅讀者回應。其實佢哋兩位都係想內地教會好，唔使為呢啲事咁勞嘈啦！
傳真︰2623-9278
電郵︰