白鴿黨日前有機會同中央官員同場交流，算係回歸後第一次，可見中央幾心虛，連呢關都打開埋。其實嗰日好多人都有遞紙仔，點會咁啱抽到華叔，媽田同埋楊森嘅問題呀？
八方問媽田，有人唔明解佢條問題，以為佢唔識嘢。媽田話一啲都唔奇，原來當年《基本法》第一百五十九條最後一段，說明「本法任何修改，均不得同中華人民共和國對香港基本方針政策相牴觸」係媽田嘅傑作，佢老哥本來希望寫成「任何修改不得與聯合聲明列出嘅基本方針政策不符」，點知國內草委唔知係咪為咗面子唔肯制，最後就寫成𠵱家個版本。
至於第一百五十八條，佢當年都建議過加埋呢段，等釋法都唔可以亂嚟，點知唔成功，所以前日問喬曉陽呢段係咪都適用於解釋權呢？
呢位前草委問得咁深同巧妙，喬曉陽唔知背景，竟然話呢段對整部《基本法》都適用，搞到媽田唔知點反應。
傳真︰2623-9278
電郵︰