比起梁家傑，45條關注組另一位成員吳靄儀就冇咁瀟灑，為咗參加喬曉陽嘅座談會而犧牲咗成個復活節假期。話說佢星期一深夜飛咗去英國，原定聽日先返，參加周日下午三點嘅反釋法大遊行，點知到埗不久，喺當地時間星期二晚收到余若薇急call，話大事不妙，喬曉陽又會來港，吳靄儀即刻訂咗周三中午一點嘅機，飛返香港，喺英國逗留時間只有二十八個鐘。
飛到返香港，正係本地時間星期四早上八點，距離喬曉陽喺中環禮賓府嘅法律界座談會開始時間只有個半鐘。吳靄儀搭最穩陣嘅機鐵返到中環雪廠街辦公室，諗住坐咗十幾個鐘機，上樓換返件乾淨恤衫先去見中央貴客。
點知余若薇已經企定喺樓下，滾水淥腳咁要拉住佢即刻走，吳靄儀惟有喺樓下借用看更間房換衫。佢講笑話，幾日間飛嚟飛去，快到嚟唔切感受到有時差。
（圖）釋法座談會令吳靄儀頻頻撲撲。
傳真︰2623-9278
電郵︰