Yumiko前晚往中環出席公開活動時，透露割除鼻腔瘜肉後覺得唱歌時中氣十足。不過為了令傷口盡快復元，Yumiko戒吃煎炸食物，更狂飲媽咪煲的愛心紅棗水補血。
鄭希怡（Yumiko）、英皇新人Koey、練海棠及林海峰等，前晚齊齊出席一本新女性雜誌舉行的活動，名模樂基兒、李嘉慧及周汶錡等同場示範價值數百萬元的鑽飾，令場內散發一片華麗金光。
Yumiko前晚表示割除鼻腔瘜肉後，現在已經復工，她說：「𠵱家好啲，重要覆診兩次，等醫生除去啲焦。做完手術後，條氣真係好咗，同以前差好遠，因為我一向堅持唱live，所以氣好緊要，𠵱家復工可以跳舞，但唔可以打空翻。」Yumiko為了令傷口盡快復元更戒吃煎炸食物，她說：「媽咪煲好多紅棗水，佢話因為我手術時失血要補吓。」
Yumiko早前簽下一個護膚品廣告的一年合約，酬勞高達七位數字，問她可會穿比堅尼亮相時，Yumiko說：「唔需要，其實我寫真集都着過，就算再着都要着到椰殼咁大掩住晒先得。」
此外，練海棠透露其妻伍詠薇染了一頭金髮後，搞出不少趣事，他說：「有次我同老婆食飯，甘國亮望到佢背面，以為我有外遇，喺度媾鬼妹，重唔敢埋嚟打招呼㖭。」
練海棠更開心地表示不介意有金毛太太，他說：「咁重好啦，好似同兩個人結咗婚咁，一時係老婆，一時係鬼婆，幾好。」
採訪：梁錦雯
攝影：仇志德
