噚日喬曉陽、李飛同徐澤喺九龍灣國際展貿中心開壇講釋法，各國駐港總領事同領事都不辭勞苦，親自到場監督，英美孖寶祈俊文同柏聖文重用英文遞紙仔批駁，猛叫北京保證唔好再釋法，真係有原則。
八方笑柏聖文咁大件事，英國佬係咪應該搞個辯論表吓態？點知佢好聰明話，唔會評論國會嘅嘢。其實基本法嘅每一章每一節，柏仔最清楚，因為佢當年喺香港做政治顧問嘅工作，即係同英國佬睇住大陸佬，唔好俾佢哋出茅招混水摸魚。
今次政改，由柏仔老友煲呔掛帥，八方問佢，煲呔係咪好難做？點知佢笑笑口回應話，做CS（政務司）從來都唔會易做㗎啦！咁又係，又有官邸，又人工最高，你估英國佬醒個爵士畀你，你賺晒呀？
（圖）柏聖文話做政務司從來都唔易。
傳真︰2623-9278
電郵︰