容祖兒去年在多個音樂頒獎禮成為大贏家，她即掏腰包買了價值四十多萬的豐田Alphard豪華Van代步。祖兒昨日坐新車到港台接受訪問，雖然新車車款是偷車賊的熱門目標，但她謂已做好充足防盜措施。
英皇近年新人輩出，但祖兒並不擔心，她說：「我哋個個都唔同類型，Eason（陳奕迅）年紀係最大，佢衰老得最快，又禿頭，可以做植髮代言人，不過可能公司唔會同佢接呢啲廣告。」
祖兒公然取笑Eason，卻並不擔心對方不滿，祖兒說：「我都成日笑佢禿頭，佢𠵱家冇火，個人大咗，成熟咗。」
祖兒表示當自己睡眠不足時就會出現眼紋，那時便不想被別人看見。祖兒又說：「朋友話我唔化妝都好好，我最唔鍾意以前一個星星妝造型。」那個「星星妝」曾給梁思浩模仿，她說：「基本上我唔介意人哋扮我，我都好玩得。」
採訪、攝影：胡比