【本報訊】「佢叫我唔好報警拉佢，話會留案底冇前途。我見佢架的士車頭霧燈冇爛冇壞，偷我盞燈肯定係貪心攞去賣，唔值得同情！」一名的士司機昨凌晨駕駛的士在小西灣的士站，企圖拆走另一輛的士車頭「霧燈」時被事主撞破。犯案的司機一度狡辯稱已知會事主早更司機及求情，但事主不為所動，報警將對方拘捕。 記者：李家傑
險被拆走車頭霧燈的士司機姓李（三十六歲），於昨凌晨一時許，他將的士停泊在小西灣道十八號，富景花園對開的士站後，返回附近的住所大解。
至凌晨二時許折返的士站準備取回的士繼續開工時，發現有另一輛的士停泊在其座駕車前，該車司機正利用螺絲批，企圖拆走他架的士左前頭霧燈，李立即喝止對方。
「佢﹙賊人﹚俾我發現偷燈，一度狡辯稱已知會我架車早更司機會拆燈，我唔信佢立即用無線電CALL幾個行家到場協助。有四、五個行家趕至質問佢，佢知冇得走冇得狡辯立即求情，叫我唔好報警拉佢，話會留案底冇前途。我見佢部的士車頭霧燈冇爛冇壞，偷我盞燈肯定係貪心攞去賣，唔值得同情！」李事後向警員講述事件稱，懷疑對方是蓄意犯案，立即報警求助。
警員趕至將疑與案有關姓鄭（三十六歲）的士司機拘捕，撿獲一把涉案螺絲批。李續稱，他所駕之的士是租來，險被拆走車頭霧燈值約三百餘元。他入行十多年未試過被人偷的士零件，但有同行曾被人偷走的士車胎蓋及泵把，他以後會加倍留神。