新版JeepGrandCherokee5.7公升偈最掂

車迷期待已久嘅美國紐約國際車展，終於日前正式揭幕，各家車廠都展出旗下最新車款，就連響越野車界享負盛名嘅Jeep亦唔例外，於會場內展出屬新版本嘅GrandCherokee。
記者：鄭達基

改用低地台大尾門
雖然新車的線條與舊有型號相近，但大幅面鬼面罩襯以波浪形頭燈組合，好有硬橋硬馬嘅感覺。車尾線條亦經過改動，除用上低地台及開啟幅度甚大嘅尾門作配搭外，加埋較前更清晰明亮嘅尾燈，可給予尾隨駕駛者明確提示。

比舊型號坐得舒服
新車嘅車廂配搭亦見有一定吸引力，除備有以雙色出現嘅新表板配搭外，車內座椅承托力高兼有較佳的空間感，所以比舊有型號來得更舒適，當然唔少得重有齊全嘅車廂設備配襯，而且遇有需要時更可將座椅覆摺放平，以增加尾廂載物容量。
廠方亦特別為新車安排有多個引擎配搭選擇，當中包括3.7公升V6、4.7公升V8及擁有強勁扭力輸出嘅5.7公升V8型號，以切合不同用家需要。