人大匆匆修法，並隨即派喬李徐三人南下做大戲，事出突然，搞到特區班官手忙腳亂，連場都租唔到，於是益咗胡應湘勁威番次。
話說喬李徐噚日下午搞大型座談會，要招待成五百人，港島區搵唔到地方，於是轉去九龍灣展貿中心，呢個中心，就係胡應湘間合和公司旗下物業，遠就遠少少，但勝在夠大，個展覽館可容納三千三人，個宴會廳筵開百席，就算細細地嘅演講廳都坐得落七百人，而且檔期大把，所以有勞班達官貴人同班司機兜多轉，因為佢哋未必識路去。八方在展貿四周轉咗幾個圈，見到有大量警察，場面墟冚；四處停滿等老細嘅靚車，自從九龍灣爆發興建愛滋病人療養院激發抗議而成為新聞以來，都未試過咁墟冚。
傳真︰2623-9278
電郵︰