吳君如與杜琪峯為了香港電影金像獎公開得票率之事，展開了罵戰，君如批評不應因阿杜質疑金像獎的透明度，而要公開票數令他人尷尬後，阿杜反駁要君如用智慧去分析。
昨日君如在尖沙嘴出席與有線電視續約儀式記者會，針對阿杜的反駁說：「我好了解成件事，唔係針對杜琪峯。但佢大導演拍《大隻佬》，講說話咁小男人。件事冇人覺得杜導演霸道，點解佢咁多年都對金像獎咁唔滿意，每次都咁勞氣？應該用大智慧去睇金像獎。」
杜琪峯對於吳君如指其不應如此沒器量，他在電話回應說：「𠵱家我拍緊《大事件》，唔得閒理呢啲小問題。我重申金像獎決定公開得票率增加透明度係好事，唔明點解有啲人會咁介意。」
此外，文雋、莊澄、丘亞葵及陳欣健等香港電影金像獎董事局成員，昨日在尖沙嘴開會作事後檢討。
金像獎協會主席文雋說：「金像獎頒獎禮之後發生嘅爭拗只係小瑕疵、技術問題，完咗假期之後，金像獎會去信無綫共同檢討，亦都歡迎大家再溝通。」