恒指升33點，入於打和格局。滙控（005）升1元，收118.50元，拉高恒指35.8點。
滙控近排俾人話喺花旗市場掟貨，昨日擺脫弱勢，有轉勢個樣。昨日收市，有奇景，買盤118.50元有5.5球求入，只有2.3球求出，照正梗係剔貨119元埋單，點解係都要收買盤個價？原來3點58分過後，唔計啲「非最低消費」單位成交，總共有177手每手400股易手，擺明係mark左邊價收市。咁嘅現象代表有人壓價，想收貨。下文如何，滙控係升多過跌。
啲Call輪走勢，亦意味滙控想升多過想跌。最明顯係9640，收90仙，升13仙（升幅17%），跟到足都只係應該升10仙，升突晒，代表正股短期睇升。
「一味窩輪」前日推介9640，兩日升29%，升到突晒章。隻輪9月到期，溢價4.6%，槓桿率13.2倍。如正股繼續去，咁嘅數據，唔算得冇吸引力。不過，9135重靚得多。
9135過去兩日只升得9%，槓桿率唔係弱過9640好多。隻輪6月底到期，輪價98仙，溢價只係1.1%，槓桿率12.1倍夠爆炸，到期之前，正股若然起10元，隻輪計落應該起90%。
想搏殺，則賭9173，呢件爆炸力（同殺傷力）更勁。
章盛