雖然目前DC發展迅速，3、4百萬像素機種不停減價搶客，不過都唔係咁快出現「摸底價」啩？據日本一個以直銷為主力嘅網站AEONShop，其新推出嘅400萬像素DCD唶ignDZ-438，就以震撼價19,800日圓開賣，計番港紙只係$1,445，即係千五蚊唔使就買到部400萬像素DC，個價低到幾乎拍住流動WebCam咁平，而且係真正有效像素嘅CCD，非COMS感光元件或靠補插「谷」出嚟，抵到你唔信。雖然大平賣，不過DZ-438賣相一啲都唔差，Cyber得嚟又帶點點Classic味道，唔知底蘊重以為係幾千蚊機㖭，希望香港快啲返貨喇。
記者：徐影龍