人大釋法話特首掌政改啟動權，連日震騰騰、頭岳岳嘅阿董，當堂成個生番，好似耶穌復活咁，好有抱負，準備噚朝開始就重新做人。
人大常委出咗手親自人工呼吸以後，阿董面露紅暈，重以為有覺好瞓，點知條命實在苦過耶穌，都係無日安寧。噚日老董喺港島半山馬己仙峽道「嘉慧園」官邸，晨早六點幾有警鐘鳴響。警方接報重以為有刺客，派出三部衝鋒車十幾個差人趕去護駕，驚動成個嘉慧園，當時阿董若然發緊連任第三屆特首嘅春夢，咁都俾佢嘈醒，你話係咪命苦。
好彩只係警鐘誤鳴。阿董，可以繼續瞓埋佢啦！
（圖）大批警員趕到嘉慧園，不過證實係警鐘誤鳴。
傳真︰2623-9278
電郵︰