𠵱家喺三個收費電視台銀河、NOW、香港寬頻播緊嘅一套日本動畫《閃靈奪還屋》，講一個有特異功能男子身上發生嘅事，原來呢套動畫搬咗九龍城寨個樣嚟做故事中嘅城市，成班幕後製作人員重嚟咗香港，噚日同香港嘅動畫迷見面。佢哋同八方講，十月就會開拍一套新動畫，都係搵番香港有特色嘅地方做故事背景。宣傳公司透露話，佢哋希望搵一啲靠山而建嘅木屋區，但係香港木屋真係所餘無幾，卒之去到薄扶林先搵到。據八方了解，日本有好多漫畫創作都會參考香港嘅本土建築群，但係呢幾年愈嚟愈少。八方都有同感，拆下拆下，香港只係得番一支支嘅高樓大廈，就連維港都變咗條河，香港重有乜嘢吸引人呢？
（圖）動畫《閃靈奪還屋》嘅幕後精英訪港。
傳真︰2623-9278
電郵︰