女為悅己者容，每個女士都喜愛扮靚，除了注重髮型和服裝外，首飾配襯亦不可忽視。袁彩雲有見市面很多首飾都不合心水，加上本身對設計有興趣，故自創個人品牌，並計劃將首飾售往澳洲。
袁彩雲近年自創品牌「KunstW」，並親自設計首飾如耳環、手鏈和頸鏈等。「KunstW」在德文中解作藝術，可見袁彩雲對首飾設計猶如藝術般鍾愛。
袁彩雲日前接受記者訪問時，談起當設計師的經過，她說：「其實早兩年我剪咗個髮型後，總覺得欠咗啲嘢，後尾先發現係爭對耳環，但市面啲耳環又唔係好啱我心水，於是咪自己試整，我一向都好鍾意手工藝，整整吓啲朋友又讚靚，於是愈整愈多，目前喺樓上舖都有得寄賣，𠵱家重傾緊賣去澳洲。」
袁彩雲事事親力親為，閒時獨個兒往深水埗買材料，故此跟很多批發商混熟，還會給她折頭。袁彩雲笑說：「梗係要自己去買啦，因為可以揀鍾意嘅材料，我都買到熟晒。基本上都會有折頭嘅，不過除咗喺香港，我出埠都會入貨，好似捷克、德國同日本咁。」
袁彩雲不諱言設計首飾是一門長遠的手藝，既簡單又易做，而偶爾當小禮物送給朋友及親友更可增進友誼呢！
採訪、攝影：馮美茵
髮型：VicKwanfromHairCulture
場地提供：9inches
