梅媽昨日突然聲稱愛女梅艷芳於十多年前遭人落降，並指該降頭會令阿梅一世還不清別人的債及結不成婚。
梅媽說：「我問過大師，呢個叫無情降，解唔到，被落降嘅人生會冇晒樂趣，阿梅唔想我擔心，死前都唔肯同我講，係阿梅嘅同學喺殯儀館講畀我知嘅。只要佢想同男人結婚，就會發𤷪𤺧，個男人就會走，佢都幾次受到折磨㗎啦。俾我知道邊個落降，我就攞刀去斬佢。」
梅媽又指阿梅病都要搵錢，便是因為還不清債項，有人要她賺錢。記者問梅媽可知是誰，她說：「等阿梅報夢畀你哋知。」梅媽又指阿梅對她其實很好，並曾向張耀榮表示「媽咪要乜我畀乜佢，以後佢要乜你就畀乜佢」，梅媽說：「呢番說話係耀榮叔同八姑娘講，八姑娘喊住打畀我講畀我知，阿梅唔知幾錫我，𠵱家佢就安樂，留番畀我唔安樂。」