向海嵐最近擔任無綫新節目主持，為以全新形象出現，她日前挑選了近五位數字新裝，向海嵐表示幸好有服裝贊助，否則定要大出血！
向海嵐最近擔任無綫新節目《香港名牌》主持，為了以全新形象出現，她準備出動數十套春裝拍攝。雖然近日天氣乍暖還寒，但獲贊助服裝的她已急不及待到金鐘西武百貨SiSport揀衫，並試穿一系列小背心和短裙，最後一口氣揀了近五位數字新裝。
向海嵐表示原本每季的服裝費約六位數字，但自從獲贊助服裝後，不僅省回不少金錢，亦省了買衫時間。向海嵐日前說：「個贊助商好好，每季新貨一到，都會打電話叫我嚟揀衫，全部衫着完都係送畀我，𠵱家完全唔使擔心冇時間換季。」當藝人的很少重複穿同一件衫，但向海嵐卻堅持不將舊衣物棄掉，她說：「啲衫好多時都係着一、兩次，如果就咁掉咗都覺得幾浪費㗎，但屋企又真係冇可能留到咁多嘢，惟有捐畀救世軍或者捐去慧妍雅集義賣。」
向海嵐和張堅庭主持的一連十集節目《香港名牌》將於月中推出，她說：「做呢個節目可以睇到好多平時睇唔到嘅嘢，好似參觀地鐵嘅控制中心，同埋上去國際金融中心嘅天台，原來真係高到同凌霄閣平排㗎。」
採訪、攝影：卓美娟
髮型：（Matt）Headquarters
場地：（SiSport）金鐘西武