一早回歸祖國，由中資擁有，不幸之前出現股東爭拗嘅成報母公司「現代旌旗」，員工幾時謝天謝地出到糧，都成為新聞，噚日公布獲得新大股東借出二千萬元應急，重有七百萬備用信貸，相信短期內財政應該無問題，聽講成報行家三月份嘅糧亦都依時收到，真係要燒炮仗慶祝。
現代旌旗披露咗新管理層嘅名單，一共有四名新董事，包括名導演冼杞然，佢現時係香港星美傳媒嘅總裁；東方魅力主席邢晶；內地新聞界前輩崔恩卿；重有一位新聞界元老郭一鳴，做咗成報副社長。但現代旌旗噚日復牌股價跌咗百分之六，收九仙八。
傳真︰2623-9278
電郵︰