內地金融改革如火如荼，中港兩地監管要員交流亦更見頻繁，上月底中國銀監會一班局長同部門主管等三十幾名高層，喺深港兩地進行為期一周嘅學習考察，係中國銀監會成立以嚟最高層官員嘅海外研討班。銀監會網址亦轉載咗呢則消息，內容提及金管局總裁任志剛，出席了研討班結業禮，並為學員頒發證書。
老友同八方講，研討班包括上課及實地考察，講授題目涉及國際上銀行監管新趨勢、風險監控及公司管治等，金管局銀行監理部助理總裁蔡耀君，曾親赴深圳為學員講課，該局其他處長亦有客串執教鞭。
課程另一半係來港考察，其間學員會晤咗該局副總裁陳德霖、韋柏康等，又親訪滙豐、花旗及美銀等國際大行，難怪銀監會都話學員獲益不淺。
傳真︰2623-9278
電郵︰