名嘴鄭經翰遭受恐嚇事件已經升級到國際層次，國際新聞從業員組織「無國界記者」噚日發表公開信，促請特首董建華對呢件事展開徹底調查。無國界記者發言人話，如果任何恐嚇能夠令一位新聞從業員收聲唔再批評政府同親中政棍嘅話，香港編輯獨立同言論自由都會陷入危機。
六年前喺商台門口被人斬，上個禮拜又俾暴徒喺名下公司淋紅油，大班話為咗老婆安全，正積極考慮封咪，「我又唔準備做烈士、做英雄，我流過血，烈士搵第二個嚟做。」大班今日放完大假開咪，商台外事部話已有足夠保安措施。唔怕喎，轉陣地去立會開咪咪得囉！
（圖）「無國界記者」關注鄭經翰受恐嚇事件。
傳真︰2623-9278
電郵︰