近日俾人大釋法煩到嘔電，不如學吓啲古人去野外唞唞，清除下啲俗氣。如果嫌遠又擔心遇到山賊嘅話，去欣賞一吓書畫亦得。香港蘇富比今個月舉行春季中國書畫拍賣，二十三號起更喺港島香格里拉酒店預展，其中一幅《竹林七賢》係山水畫大師傅抱石嘅名作，估價三百五十萬至五百萬。不過咁，大家咪睇呢幅畫裏面嘅文人一派怡然自得，查實魏晉時期嘅竹林七賢唔多唔少都係不滿時局，逃避現實嘅學者，若然香港政治再俾班人大咁玩落去，莫講話竹林七賢，特區隨時出現七七四十九賢都唔奇。 陳亮華攝
傳真︰2623-9278
電郵︰