身為熊貓保育協會主席嘅胡經昌，星期一請咗班沙士孤雛同埋李麗娟去海洋公園同國寶食早餐，大人細路都玩得好高興，胡經昌話未試過咁近距離睇國寶，所以好開心。八方問小金王係咪要多啲曝光，因九月大選在即，胡經昌就苦笑話，的確好慘。
原來金融界嘅選民好少，只有幾百人，而今次就大大話話有成四個人話要參選，包括詹培忠、馮志堅、馮家彬同佢自己，重要詹培忠大熱，唔怪得胡生叫苦連天。胡經昌話多人爭，就要更加努力。好似噚日佢成日都開會見人，連老董請晒六十位議員同喬曉陽見面都唔知道，有得見，佢當然去啦，不過，中方主人充滿關愛嘅眼神，恨唔到嘅。
傳真︰2623-9278
電郵︰