資訊科技界猛人好多，所以今年九月分分鐘唔止一個快譯通譚偉豪同單仲偕爭，可能重有簡永基同盧偉國等等。有人就問香港寬頻嘅王維基今次會唔會出馬，佢一向計仔多多反應快，最啱搞政治。
原來今年初，真係有人問過佢老哥有冇興趣，點知佢話想專心做生意，重話覺得做電訊對社會嘅貢獻更大，所以推咗。
至於積極考慮參選嘅譚偉豪就唔知係咪得到王維基推薦，但係譚老闆其實亦唔簡單，佢已經做過兩次資訊科技界訪京團嘅團長，同中方有偈傾係其中一個優勢。八方問譚老闆點睇普選？佢好小心咁話覺得香港已有條件喺○七年普選特首，至於○八年，就要再問吓IT界點睇，咁緊張界別睇法，你話係咪會出馬呢？
傳真︰2623-9278
電郵︰