鬍鬚仔講師蔡子強轉職中大後人氣續升，主持電台節目，又喺雜誌寫專欄，食得唔嘥，汁都撈埋，出版社就將佢啲專欄輯錄成書，新書名為《新君王論》，蔡子強旁徵博引古往今來多位政治人物，名為苦口婆心提議香港政治人物多多借鏡，實質諷刺香港班政棍幼稚園程度，未夠班。
蔡子強同八方慨歎，香港陷於「冇王管」狀態，唔係三不管嗰種「冇王管」，而係無王者風範人物領導香港，佢認為董建華管治策略中，最錯係唔同反對派溝通，好似唔明白「政治上無永遠敵人」呢個永遠不變嘅道理，令香港政改陷入死局。
政治爭拗愈嚟愈激烈，蔡子強反而睇淡民主派喺九月立法會選舉嘅勝算，佢又話基本法賦予特首無上權力，只要阿董敢於怒從心上起，惡向膽邊生，就算民主派佔立法會多數，阿董都一樣強勢。
傳真︰2623-9278
電郵︰