人大釋法，正如白鴿黨前主席李柱銘預期，就係收權，改變遊戲規則，方案佢冇興趣同你講住。
不過中共始終唔同老毛時代咁蠻，識得姦一回，呵番一啖，拋出一招史無前例會見六十位立法會議員，包括所有「不愛國」人士，一招快刀斬亂麻，就係今日，等你冇時間做功課。
八方聽聞，一直好活躍嘅陸恭蕙噚日又請咗位外國勢力朋友嚟香港，出席午餐會，今次係英國下議院嘅領袖韓彼得，而有份出席嘅李柱銘，就舉手問呢位嚟自有份簽署聯合聲明國家嘅議員，會唔會好似上次美國參議員布朗巴克一樣，返回祖家之後會請佢去英國議會講吓野？點知Peter咿咿哦哦，唔肯冇回應。
有人話英國唔知係咪要去海牙法庭告大陸，話中國違反中英聯合聲明，不干預香港自治範圍內事務嘅國際協議。
（圖）陸恭蕙請咗韓彼得出席午餐會。
傳真︰2623-9278
電郵︰