四十六歲的陳芳，近日飽受腰頸痛之患，夜夜輾轉難眠。「呢排都瞓得唔好，腰骨同條頸都好痛，醫生解釋多多少少同我張床褥唔合標準有關。」
單身的陳女士，原本從事小販工作，可惜十多年前一宗交通意外，導致她盆骨及左腳嚴重受傷。「我隻左腳大大話話醫咗成十年，傷口成日發炎含膿，手術都做過六、七次，喺近呢一、兩年情況先叫做穩定啲。」雖然陳女士的病情漸趨穩定，但由於車禍受傷的後遺症仍然很多，令她難以再投入工作，近年惟有靠綜援金過活。
棲身板間房的陳女士，由於經濟所限，許多物品皆是撿拾回來，部份家具雖已用得霉霉爛爛，但她也無力更新。
刻下，陳女士最需要添置一張新床褥及一部雪櫃，改善生活。她表示：「我呢張床褥本身好薄，加上我重磅，經過咁多年，已經畀我瞓到凹晒，無晒承托力；另外，屋企部二手雪櫃亦唔夠凍，啲食物好容易變壞。」陳女士的心願，有待善長玉成。
捐款編號：C0421
暖流熱線
電話:29908688
傳真:23702192
電郵:
網址：