黃宗澤早前因被拍下與女伴同逛家具店的照片，而被女友Heidi力數他一腳踏兩船，前晚他在將軍澳電視廣播城內就自稱未有另結新歡，黃宗澤說：「我冇一腳踏兩船，影到嗰個女仔唔係TVB嘅dancer，佢係我識咗一個好耐嘅朋友，佢有男朋友㗎。」
對於Heidi爆黃宗澤曾問她借五至十萬買股票，就連家裏的狗也是由她以三千八百元所購下，黃宗澤說：「我想儲錢做生意，同佢傾啫，唔代表問佢攞錢。至於隻狗，係我哋一齊去睇，我話隻狗幾得意，第日佢就買咗隻狗畀我，如果佢想攞番三千八百蚊，我會畀佢。」最後黃宗澤說：「拍拖係要兩個人互相信任，到大家唔信任對方時，唔想有乜傷害至分手啫。」
此外，昨日黃宗澤在廣播城再被問及食軟飯一事時，他稱自己會自給自足，但他亦承認之前所住的西貢村屋及平治房車屬Heidi所有，而他更說：「以後我會小心處理感情事㗎啦。」
採訪：卓美娟