黎明身為國際電影節榮譽大使，昨日聯同開幕電影《戀愛中的寶貝》的女主角周迅，出席「第28屆香港國際電影節開幕典禮」，黎明表示日本女優田中麗奈明天來港宣傳時，他會一盡地主之誼接待她。
有記者問到對於今屆金像獎的賽果，黎明說：「結果好好，係香港觀眾滿意嘅結果，華仔同栢芝喺《大隻佬》表現好，其實栢芝兩套戲都做得好好。」
問黎明可有信心憑電影《大城小事》角逐明年頒獎禮，黎明說：「睇吓我出年記唔記得參加，我唔係為角逐而拍戲。」
對於大會今年公開票數，黎明說：「公唔公開唔代表乜嘢，我自己睇法係呢輪好似興乜都公開，唔好搞到『時興隆』咁，應該有啲態度。演員應該為電影圈盡力，得唔得獎都要大方接受。」
另外有報道指舒淇出席完金像獎頒獎典禮後夜訪黎明，他即說：「我冇嘢回應，我嗰日唔喺香港。」
採訪：李珮洳
攝影：陳慧安
