一直被看好嘅本港車手李英健（MarchyLee），近年致力參加各項汽車競運賽事，並多次取得唔錯嘅成績；而響上個周末及周日，佢又奪得2004FormulaBMWAsia首兩個回合賽事嘅冠軍，表現認真出色。
記者：鄭達基
星期六在新落成嘅巴林國際賽道舉行的2004FormulaBMWAsia首回合賽事，效力萬里達車隊（TeamMeritus）嘅李英健，比賽初期與來自中華台北、並代表BelgraviaMotorsport嘅林帛亨鬥個你死我活，賽至第二圈第一個彎前，李英健搶得內線入彎超越林帛亨，其後林帛亨嘗試力追，但響偏離線道嘅情況下，被尾隨代表BMWKoreaE-Rain參賽嘅韓國車手柳慶旭過頭，雖然柳慶旭與李英健嘅戰車曾發生碰撞，但最後李英健仍以22分3.048秒嘅成績奪得冠軍，並奪得2分10秒784嘅最快圈速。
至於周日舉行嘅次回合賽事期間亦出現多個驚險鏡頭，其中最惹人注目嘅就係李英健與首回合退出賽事嘅菲籍車手施泰信的劇鬥，到最後仍由李英健以23分22.209秒跑完十個圈奪得冠軍，施泰信則以23分22.654秒獲得亞軍，季軍則為以23分26.377秒完成賽事嘅柳慶旭。