張天愛早前第二度在上海獲選為「中國國際服裝文化節」十大設計師之一，並為上海國際模特兒大賽擔任製作總監，這個比賽將會全球播放，四十八名來自世界各地的模特兒參賽，結果由秘魯的模特兒獲冠軍。
張天愛表示擔任這個大型製作的總監十分有滿足感，她說：「我覺得自己個任務就好似中國時裝同模特兒嘅開拓者咁。」這個比賽評判則包括張天愛夫婿羅素及郭富城等。
問張天愛是否因是總監，順道找丈夫任評判？她說：「唔係，咁啱羅素喺上海拍戲，係上海市政府邀請佢嘅。當晚好好笑，啲候選模特兒個個見到我老公都嗒晒糖。佢哋又唔知我就係佢老婆，重不停同我講話佢好靚仔，我惟有笑笑口同啲女仔講『係呀，咁你哋搵佢簽名囉』。」
採訪：DebbieLum