古天樂、梁詠琪（GiGi）和蔡卓妍（阿Sa）等前晚出席電影《戀情告急》首映，GiGi前晚穿着性感晚裝到場，連自己都覺性感，GiGi更為每次出門都十分趕急，沒時間穿性感衣物給男友鄭伊健觀看而感到可惜。
古天樂、梁詠琪（GiGi）、蔡卓妍（阿Sa）、吳嘉龍、周汶錡和中國星老闆向華強夫婦等，前晚在灣仔會展出席新片《戀情告急》首映。吳嘉龍與周汶錡曾傳緋聞，故並排而站時，二人都十分避忌，其間亦沒有傾偈。
GiGi前晚穿上設計師何國鉦的性感晚裝到場，當大會安排放紙炮時，竟有紙碎跌到伊人的胸口中，十分尷尬。
問到GiGi可有像朱茵一樣，每次穿性感衣服必事先給男友過目。她說：「件衫係公司幫我搵嘅贊助，我都覺得好性感，平時每次出門口都好趕，冇時間着埋件衫畀男朋友（鄭伊健）睇。」GiGi主唱的《向左走．向右走》未能取得「最佳原創電影歌曲」獎項，她說：「都唔可惜，呢啲嘢冇得強求。」
古仔表示日前發覺父親的聽覺很弱，所以往檢查耳朵，他說：「我哋全家都習慣開到好大聲睇電視，講嘢又似嗌交，前幾日我同阿爸講嘢時，佢好似聽唔到嘢咁，醫生話我聽覺有一百分，但阿爸就只有四十分，佢𠵱家要開始戴助聽器，以後屋企都唔可以開咁大聲睇電視。」
此外，阿Sa對於記者再追問跟成龍兒子陳祖明的緋聞，她否認說：「我唔會有避忌，我哋經常同阿嬌、祖明同陳柏霖都有對手戲。」
採訪：楊潔雯
攝影：仇志德、陳徫權
