無綫日前播映《金像獎頒獎典禮》時，因多次腰斬得獎嘉賓演說而遭抨擊，影視處至昨日共接獲三百二十九宗投訴，內容指無綫腰斬得獎者演說乃不尊重藝人所為，更影響觀眾欣賞。
無綫助理總經理陳志雲昨日召開記者會，並拿出金像獎節目程序時間表以正視聽，他說：「頒獎禮製作單位係金像獎大會，無綫只係負責直播，原本製作單位畀我哋嘅節目時間係一百一十一分四十六秒，但結果成個節目多咗十三分幾鐘，製作單位唔克制，唔按原先紀律去做，我哋又可以做到啲乜？」陳志雲表示無綫當晚有新聞報道等節目安排，不能隨便改動，故已盡量配合將得獎片段播出給觀眾。
至於金像獎協會主席文雋昨日則在電話中回應說：「合約雖然係咁寫，但呢啲唔係電影好難講得準確，會有控制以外情況發生，但會吸取今次教訓等下年同其他媒體傾時作參考。對於今次事件引起TVB不快，我要對電影界同TVB致歉。」
此外，吳君如前晚在主持節目時，亦大鬧無綫播映金像獎時刪剪不當，她說：「做製作嘅捉到鹿都唔識脫角，剪得啲位真係好核突。」
採訪：卓寶花、魯萍