「我知錢係萬惡嘅」
安仔駁梅媽刮龍徒弟言論

梅艷芳母親不滿金像獎大會日前不通知她在頒獎禮上代阿梅領獎，她又指代阿梅領獎的許志安和何韻詩是「刮龍徒弟」，昨日許志安被問到此事時，暗寸梅媽說：「我知錢係萬惡嘅，但係咪有託管人，佢唔使擔心呢？」　何永寧、陳志嵐深圳直擊

電視劇《伙頭智多星》昨日在深圳一酒家開鏡，主演的張衛健、羅嘉良、吳鎮宇、許志安、黃伊汶、Boy'Z成員Kenny，以及從《伙》劇女角選拔賽中獲得亞軍的陳奕池均有出席，但獲冠軍的梁嘉琪因跟有線有合約而未能參與，由張衛健女友張茜頂上，在劇中與張衛健扮演情侶。

「攞獎唔到我揀」
日前金像獎頒獎典禮頒發「演藝光輝永恒大獎」給梅艷芳，其生前好友劉培基與徒弟許志安和何韻詩上台代領，惹來梅媽指大會對她毫不尊重，更形容安仔和何韻詩為「刮龍徒弟」。安仔昨日暗寸梅媽說：「師傅啲嘢唔係交咗畀遺產託管人咩？我知錢係萬惡嘅，但係咪有託管人喺度，佢唔使擔心呢？攞獎唔到我揀，係劉培基先生邀請我，劉培基一向負責開師傅工作，大家都係一條心幫師傅攞獎，唔想咁多是是非非。」
而阿梅胞兄梅啟明昨日則在電話中說：「嗰個獎係屬於阿梅嘅，我哋係唔會主動聯絡人哋攞番個獎，睇佢跟住點做囉！」今日是阿梅逝世一百天，梅媽會為亡女在九龍塘省善真堂打齋。

張衛健晴天霹靂
此外，張衛健和張茜昨日在人前表現煙韌，張茜否認今次演出是張衛健穿針引線，更非執梁嘉琪二攤，她說：「呢兩年嚟大家好介意情侶檔演出，所以原先我都推咗呢部戲，走去拍另一部。
「但後來林生林太搵我經理人，我見角色幾適合我，所以接咗，張衛健後來知道我拍，佢都晴天霹靂呢！」