任賢齊、陳慧琳（Kelly）和張家輝日前為電影《大事件》拍攝尾場戲，小齊挾持Kelly與張家輝駁火這場歷時十分鐘的槍戰場面，便花掉四十萬。
電影《大事件》日前在數碼港拍尾場戲，該場需一氣呵成、約十分鐘便要花掉四十萬的槍戰戲，要封路拍攝，導演杜琪峰與演員任賢齊、陳慧琳、張家輝等都要花上數日時間綵排、試位，務求掌握最準確的時間與節奏。
該場戲講述飾演匪徒的任賢齊挾持督察Kelly，雖然Kelly屢勸小齊投降，但他依然無動於衷，還與飾演警察的張家輝駁火，最後他死於槍林彈雨下。
女主角Kelly雖然不用揸槍駁火，但她拍完該場戲後仍猶有餘悸地說：「真係好緊湊呀，因為小齊中槍後啲玻璃碎同血漿都彈到我塊面，但我重要繼續拍落去，不過我覺得自己嘅表現做得好過綵排嗰時。」而由於小齊身上有三個反應彈，其中一個很接近面部，當反應彈爆開時，小齊下顎亦受了輕傷。
張家輝就表示最近除了演出《大》片外，又要為無綫演出《天涯俠醫》，家輝表示：「呢排真係拍得好辛苦，每日都係瞓得幾粒鐘，不過今次辛苦我都覺得係值得嘅，因為可以拍到一齣好戲，所以自己開工嗰陣都會特別醒神。呢排老婆去咗新加坡拍劇，要個幾月後先會返嚟，所以呢排我好似做咗孤兒仔咁，收工返到屋企只係對住隻狗講嘢。」
雖然一班演員很落力拍此場煞科戲，但拍攝當日亦出了一些阻滯，故有些鏡頭可能需要重拍。
杜琪峰表示：「呢場戲花咗成四十萬拍攝，所以冇可能再使錢補拍成場戲，只能夠補拍番幾個鏡頭。」
採訪：馮美茵
攝影：仇志德
