上周和黃公布佢哋嗰位打工皇帝霍建寧酬金無乜大變，仍然一年收一億二千萬元，八方收到中銀香港年報，發覺最高薪嗰位董事薪酬大減，前年介乎五百至五百五十萬元間，但去年則降至二百五十至三百萬元，減約五成，另外有一名董事則收取二百至二百五十萬元間的薪酬。以三大發鈔銀行計，中銀嘅最高薪者在滙豐及渣打，可能排到好後。
不過由於中銀香港去年換行政總裁，前年收五百幾萬嘅係劉金寶，相信去年佢只收咗一半人工已經冇得撈，而多咗一位年𢭃二百餘萬酬金董事。八方估計，中銀香港新總裁和廣北只收了半年人工，至出現上述酬金大減嘅現象，並非和總嘅薪酬較劉總差一截。
講起人工，中信泰富噚日亦發年報，去年榮智健年薪二千三百萬至二千三百五十萬元間，較前年減少約百分之七至十，同公司業績倒退六成六唔多成正比。
傳真︰2623-9278
電郵︰