唔知KinKiKids啲fans記唔記得，八年前堂本光一曾經俾日本狗仔隊偷拍過同組合CoCo成員宮前真樹拍拖呢？近年接近零人氣嘅宮前，上個月已經決定引退，佢上個月十三號最後一次上電視自爆戀情嗰陣，就提到最後一位拍過拖嘅男友，宮前形容到好似係堂本光一，可惜電視台加咗效果，唔畀個名出街，而有消息話佢哋兩個因為事務所阻止，一早已經分咗手。