清明時節，支聯會一連兩日喺尖沙嘴鐘樓為六．四死難者舉行紀念活動，噚日重搞咗個座談會探討台灣選舉。
原本好哋哋咁討論民主發展，偏偏有個親中「維園阿伯」係都要嚟踩場搞事。呢個阿伯唔單止不斷用粗口問候參加座談會嘅人，重「引入外國勢力干預」，班埋個印巴阿差「大隻佬」做打手，猛咁謾罵其中一個聽眾。「大隻佬」阿差見人哋冇乜反應，竟然拔出身上鑲滿鐵珠嘅皮帶，作勢想郁手打中國人，在場保安人員同警察當然即刻制止。
香港政策研究所主席葉國華前日話怕會見到示威出現「第一滴血」，唔通佢知道親中嗰邊將會有行動？真係好準喎。支聯會主席「華叔」司徒華噚日就特別提醒一班義工，今年嘅六四紀念活動要特別克制，小心一啲打住「愛國」招牌嘅精神失常者挑釁、嫁禍。
傳真︰2623-9278
電郵︰