在林嘉欣和李心潔主演的電影《救命》中，不乏動作場面，其中最激的一場戲是身材瘦削的李心潔拿着大斧頭追劈林嘉欣，因劇情所需，兩人要濕着身子拍攝，但由於當日香港天氣寒冷，李心潔於是用保鮮紙打底保暖，而林嘉欣就邊拍邊發抖。
李心潔說：「我未試過拍電影有咁多動作戲，把斧頭又大又重，最驚舉起嗰陣失手劈到其他工作人員，所以拍呢場戲戰戰兢兢，要打醒十二分精神，不過喺套戲入面，我好好打，摑咗林嘉欣一巴，又摑咗許志安一巴。」
而林嘉欣在戲中被李心潔摑完，還要扮堅強，她說：「如果平時俾人摑，我一定喊，雖然我性格有啲固執，但基本上幾軟弱，其中一場戲我要用刀仔插一個臨時女演員，拍嗰時我好驚，不停手震，之後個鏡頭話我扯住對方嘅頭髮，用刀插落去，可能拍拍吓大膽咗，拍完呢個鏡頭，我竟然覺得好威，好有快感，原來人真係性本惡，我都有惡性嘅一面。」
